رحلة خفيفة ظريفة . بالي . بونشك . جاكرتا . محشية بالصور

07-23-2009, 12:52 PM

ماشاء الله يا مكتر التقارير في المنتدى . قد يتشابه بعضها في المواقع والآماكن . ولكن بلا شك الزوايا تختلف .

طب عشان لا نطيل في مقدمة حنخش في التقرير على طول . وبصراحة اللي شجعني هو محاولة كرد للجميل لهذا المنتدى الرائع وأعضائه الكرام . ونعطي ما لدينا كما هو وهم اعطونا .

وسامحوني اذا التقرير مش ولا بد فأنا مبتديء وأول مرة اكتب تقرير .

بسم الله نبدأ [فقط الأعضاء المسجلين والمفعلين يمكنهم رؤية الصور]

وكلامي راح يكون بالعامية [فقط الأعضاء المسجلين والمفعلين يمكنهم رؤية الصور] بعيدا عن الفصحى <<<< والصرفة

سلام عليكم

ارجوا ياحبايب إنه يكون موضوعي هادا له فوائد عدة . كلا حسب اهتمامه من خلال القراءة .

لابد إنه الواحد يعمل فرمتة كامله لمخه . وعشان تعمل فرمتة من هالنوع لازم تخرج خارج الاجواء السعودية وتقطع جميع اتصالاتك الا للضرورة فقط .
ولو مافي اتصالات يكون احسسسسسسسسسسسن برضو . بلا دوشة دماغ . وخصوصا انه الفرمتة تحتاج الى كل شي جديد؟
في البداية كانت الوجههة الى تايلند نظرا لإرتياحي لهذه الدولة وطيبة اهلها . ولكن مع ظروف السماح بالسفر لها من عدمه والمشاكل اللي ممكن تحصل من ورا هالسفرة . اشتريت دماغي وقلت بلاشي الين يسمحو رسمي بالسفر لها .

قررت السفر الى جاكرتا وتحديدا الى جزيرة بالي . واعتقد آخر مرة رحت فيها جاكرتا كانت قبل عشرة سنين ما اذكر بالظبط متى لكن في هادي الحدود تقريبا . وكانت المدة كلها داخل جاكرتا.

المهم الجديد في الرحلة هادي هي جزيرة بالي والجبل بونشك . وعلى قد ما سمعت عن بالي سواءا من اخواني او من المنتديات وتخيلي لها فليس من سمع كمن رآى .

من الجميل جدا يا اخوان ويا اخوات فاضلين وفاضلات أنه يكون رفقاء السفر من خيرة الناس ومن الاصدقاء العزيزين على القلب . وهادا اللي حصل بالفعل كلمت اتنين من الشباب وبدون تردد قالو ( تم ) احجز وظبط الامور .

في البداية مالقيت حجز عالخطوط السعودية فحجزت على الاماراتية . لكن واحد من الشباب اللي طالع معانا جزاه الله خير ظبطلنا حجز عالسعودية ذهاب وعودة وبكدا انتهت مشكلة الحجز . بقينا في مشكلة شراء التذاكر هههههههههه

نعم بالنسبالي مشكلة . لأنه مواعيدي وظروفي وانشغالي لا تتناسب مع مكتب الخطوط اللي في مكة . فما كان مني الا اتصلت على زميلي اللي من مكة والساعة 12 في الليل وقلتلو هيا مشينا جده نروح المطار منو نضيع طفش ونشتري التذاكر من هناك بحكم انهم موجودين 24 ساعة .
وحصل بالفعل ولله الحمد نزلنا اشترينا التذاكر من المطار وصرمحنا شوية ورجعنا .

الموعد المقرر للذهاب كان يوم الاتنين 7 ابريل 2008 والعودة يوم الجمعة 18 ابريل .

سعر التذكرة كان 2803 ريال التلاتة ريال حقت ايش مدري يمكن حقت العيش هههههههه.

ماعلينا .

واتفقت مع الشباب ووضعت شعار للرحلة لالالالالالالالالالالالالا للحرمان والبعد عن ما يعكر المخ والروقان

بمعنى انه الواحد يمتع نفسه دون النظر الى اي تكاليف وانه التكاليف آخر شي ممكن نفكر فيه .

وهادا اللي تم بالفعل .

موعد الرحلة كإقلاع كان الساعة 9 ونص مساء يوم الاتنين . والوصول لمطار جاكرتا الساعة 11 ونص صباح يوم التلوت .

فارق التوقيت بيننا وبينهم اربعة ساعات . يعني مثلا لو عندنا الساعة 12 في الليل حيكون عندهم 4 الفجر وهكذا .

اما بالنسبة لجزيرة بالي فارق التوقيت 5 ساعات .

طبعا انا من هنا اتصلت على سواق في جزيرة بالي ونسقت ورتبت معاه على يوم التلوت بس ما اعطيته موعد محدد لأني مش حاجز اصلا من جاكرتا لبالي . قلنا لما نوصل المطار نشوف ايش الوضع . ومن هناك اعطيه الموعد بالظبط

السائق هادا من أفضل السائقين اللي اتعاملت معاهم وراح اتكلم عنو في سياق التقرير . وإسمه مسعود

احنا تلاتة اشخاص اتنين من مكة وواحد من جدة . وبيننا عشرة عمر طويلة من ايام الدراسة الابتدائية زي الاخوان ولله الحمد الله لايفرق بيننا .

بالمناسبة السفريات لهادي الدول عادة لا تحتاج الى ملابس 3 قطع ؟ او اربعة .

يعني الشغلة شورتات وتي شيرت ومشي حالك . ومافي احلى من البساطة وخصوصا في دول شرق آسيا وهادي ميزة تحسب لصالح هادي الدول .

بعكس بعض الدول سواءا العربية او الأوروبية اللي الواحد يحس فيها انه مخنوق من كتر اللبس والانتكة اللي عليه .

وهادي من الحاجات اللي تخليني افضل هادي الدول .

<<<<<<<<<< بس خلاص عرفنا بلا قرقرة زايدة .

حركنا من مكة حوالي الساعة 6 وربع مساءا . ووصلنا المطار حوالي 7 ونص . لأنه وقفنا في الطريق عشان صلاة المغرب .

في طريقنا للمطار [فقط الأعضاء المسجلين والمفعلين يمكنهم رؤية الصور]

vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 12:58 PM

وصلنا بحمد الله للمطار
ودخلنا للصالة واتقابلنا مع رفيقنا التالت للسفر . وجهزنا امورنا وظبطنا البوردنق وكل شي .

يجماعة بصراحة شي مؤسف جدا إنه تكون الصالة بهالشكل . عموما مش موضوعنا لكن اتمنى انه في يوم نشوف مطار جده يليق بمسمى موحد هادا الكيان المغفور له الملك عبدالعزيز طيب الله ثراه .

وإحنا في الصالة قعدنا نتضارب مين يجلس جمب الطاقة [فقط الأعضاء المسجلين والمفعلين يمكنهم رؤية الصور]

الرحلة تستغرق 9 ساعات . بصراحة شي ممل جدا . بس انا قيدي حاسب حسابي ومش نايم زي الناس وناوي اعطيها نومة في الطيارة . وهادا اللي حصل بالفعل . بمجرد اكلت الوجبة الأولى .

وفين البطانية وكخخخخخ نوووووووووم .
صحيت قبل وصولنا بحوالي ساعتين وكمان الشباب اخدولهم غفوة .

وصلنا بحمد الله حسب التوقيت حوالي 11 ونص صباح يوم التلوت الى مطار جاكرتا .

وهادي صورة أثناء وصولنا من داخل المطار في جاكرتا

[فقط الأعضاء المسجلين والمفعلين يمكنهم رؤية الصور]

من الضروري إننا نحصل على تأشيرة دخول للبلد . وهادي من الحاجات السهلة جدا . كل واحد يدفع 10 دولار وخلال عشرة دقايق تحصل على الفيزا .

فيزنا جوازاتنا وختمناها واستلمنا عفشنا . وخرجنا نسأل عن الطيران الداخلي . اتوجهنا لصالة الطيران الداخلي .

وعندهم العديد من الخطوط ان ما خاب ظني حوالي اكتر من 9 خطوط طيران داخلية.

لكن احنا حاطين في بالنا انه افضلهم طبعا خطوط القارودا لأنها طيران دولي خاضع لمنظمة الاياتا وهادا شي مهم الحقيقة .

صح هيا اغلى من غيرها من الخطوط الداخلية لكن بطبيعة الحال أفضلهم .

من تساهيل ربي علينا . إنه لقينا رحلة تقلع بعد ساعة الى جزيرة بالي ولقينا حجز متوفر وحجزنا .

وكان سعر التذكرة 127 دولار . طبعا ذهاب فقط . مارضينا نقطع ذهاب وعودة لأنه في حالة غيرنا موعدنا او حبينا نأجل من هناك حنضطر ندفع غرامة . وطالما الطيران متوفر كل ساعة تقريبا قلنا نحجز ذهاب فقط والعودة يحلها حلال حسب مزاجنا .

وهادا اللي حصل بالفعل .

مسموح لكل راكب فقط 15 كيلو ومازاد يدفع عن كل كيلو حوالي 20000 الف روبية يعني حاجة بسيطة . طلع علينا شوية زيادة بسيطة . دفعنا وخلصنا .

وبمجرد ما نتهينا من الاجراءات يادوب كان الصعود للطائرة على وشك . يعني الحمد لله ماجلسنا في المطار كتير .

وبرضو اتضاربنا مين يقعد جمب الطاقة [فقط الأعضاء المسجلين والمفعلين يمكنهم رؤية الصور] .

v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 01:03 PM

صور واحنا على مشارف جزيرة بالي .
بصراحة شفنا شوية تشكيلات سحب عجيبة غريبة . سبحان الخلاق لوحات فنية

[فقط الأعضاء المسجلين والمفعلين يمكنهم رؤية الصور]
وهادي مناظر لجزيرة بالي من الطيارة
بس كيف التصوير
<<<< يجي يجي

[فقط الأعضاء المسجلين والمفعلين يمكنهم رؤية الصور]

[فقط الأعضاء المسجلين والمفعلين يمكنهم رؤية الصور]

[فقط الأعضاء المسجلين والمفعلين يمكنهم رؤية الصور]

هنا أثناء هبوطنا في مطار بالي في العاصمة ( دنبسار ) بحفظ الله ورعايته بعد طيران ساعة ونص من جاكرتا
[فقط الأعضاء المسجلين والمفعلين يمكنهم رؤية الصور]

v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 01:12 PM

بعد ما استلمنا عفشنا .

قيد انا من جاكرتا اعطيت السواق مسعود خبر بموعد وصولنا لبالي .
وبالفعل لقيته مستنينا خارج المطار .. هادا الرجل قمة في الادب والاخلاق ومحترم ويتكلم لغة عربية جيدة جدا .
بالاضافة الى الانقليزي .

هيا يا مسعود باشا مشينا ؟ مشيييييييييينا .

قناله من الآخر ودينا شاطيء ( كوتا ) نبغى فندق عشرة نجوم ههههههه قالي مافي عشرة نجوم ؟؟

طب مو مشكلة شفلنا ابو تسعة <<<< مجاغة

والله لفينا شارع شاطيء كوتا من اوله لآخره نبغى فندق خمسة نجوم او بالاصح فيلا في فندق خمسة نجوم للأسف مافي .

ومن الآخر اقلكم هيا ولحد يتعب زي ما تعبنا احنا . لاتدورو فلل على شاطيء كوتا . غرف اجنحة ممكن تلاقو لكن فلل على طلبنا ؟ مفيش .

المهم طيب إيش الحل ؟

كل همنا اننا نلاقي سكن في النهار عشان نعرف المنطقة اللي حولينا . لفينا لما دخنا ما حصلنا . شي يناسبنا .

بعدين لقينا فلل تسمى ( فيلا بيتش ) طبعا مش على البحر مباشرة واصلا عالبحر مفيش .

هادا بعد ما دخلنا مجموعة من الفلل التانية بس ما ناسبتنا.

فيلا بيتش عندهم مجموعة فلل حلوة . المهم أخدنا فيلا بـ 400 دولار الليلة وبصراحة احنا مش راضين عنها بالرغم انها تعتبر ممتازة بس كان في مخيلتنا حاجة افضل .

اتفقنا اننا نسكن ونريح ساعة ساعتين وبعدين نخرج نستكشف المنطقة .

خلينا مسعود يروح . واحنا دخلنا نروق وناخد ( دووووش ) ونفوق . وبعد ما فقنا وروقنا اتصلت على مسعود وقلتلو تعال . نبدأ رحلة البحث .

وقبل رحلة البحث خليني اعطيكم فكرة عن فيلا بيتش

الفيلا من الداخل
هيا عبارة عن تلات غرف نوم اتنين في الدور الارضي ووحدة في الدور العلوي + مسبح + ريسبنش + حديقة صغيرة

نشوف الممرات الداخلية للمجمع

[فقط الأعضاء المسجلين والمفعلين يمكنهم رؤية الصور]

هادي غرفة نوم انا استوليت عليها لأنه عجبتني الحركة اللي في النص عشان الواحد يركز رجله هههههههه
<<<<< شغل عجايز [فقط الأعضاء المسجلين والمفعلين يمكنهم رؤية الصور]

[فقط الأعضاء المسجلين والمفعلين يمكنهم رؤية الصور]

صور أخرى من داخل الغرف والفيلا

[فقط الأعضاء المسجلين والمفعلين يمكنهم رؤية الصور]

تاخدولكم غطسة من الصباح شي يفكفك العضلات
[فقط الأعضاء المسجلين والمفعلين يمكنهم رؤية الصور]

الحديقة الخاصة بالفيلا
[فقط الأعضاء المسجلين والمفعلين يمكنهم رؤية الصور]

باب خلفي من غرفتي على الحديقة
[فقط الأعضاء المسجلين والمفعلين يمكنهم رؤية الصور]

ريسبشن داخلي مفتوح عالمسبح والمطبخ
[فقط الأعضاء المسجلين والمفعلين يمكنهم رؤية الصور]

هااااااااااااااا لاتنسونا من تعليقاتكم [فقط الأعضاء المسجلين والمفعلين يمكنهم رؤية الصور] عشان نكمل إن شاء الله
ربي لايحرمنا منكم جميعا

v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 01:56 PM

الحمدلله ع السلامه بس 400 دولار على الفيلا هذي مو كثير !! ؟؟

v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 02:25 PM

الله يسلمك من كل شر سيدنا hunting_leopard

الفيلا دورين . بصراحة بالي كلها غالية وخصوصا اذا تبغى شي نضيف .

وبيني وبينك <<<< مع إنه الكل شايفنا[فقط الأعضاء المسجلين والمفعلين يمكنهم رؤية الصور]

التعب واللفلفة خلتنا نسكن بأي سعر .

القادم أغلى من كدا ....... الضعف

شكرا حبيبنا لتواجدك الله يسعدك

v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 02:30 PM

الحمد لله على السلامة .

انا جالس متابع معاك الي نهاية التقرير

تحياتي اخي الكريم

اخوك

الوادي نت
v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 04:00 PM

بشكة إنسان ..

ألف حمداً لله على سلامتك يا غالي .. نور المنتدى بوجودك .. وازداد جمالاً بإطلالة تقريرك الأنيق ..

الفيلا رائعة جداً .. وتستحق المبلغ المدفوع بها .. وعلى العموم هذه هي أسعار الفلل في بالي.

صورك جميلة وجذابة يا غالي .. أنتظر المزيد منها ..

بالنيابة عن الإدارة نشكرك على طرح تقريرك في منتديات هنا إندونيسيا .. نسعد ونتشرف بتواصلك وتبادل الخبرات معك من خلال تقريرك ومواضيعك ..

ثق بأني في الصف الأول متابع لما سوف يستجد من أحداث طرح تقريرك ..

وتقبل خالص احترامي وتقديري.

v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 07:04 PM

مشكور اخى على التقرير ومتابعينك الى الاخر

لاكن اخى انا اقول 400 دولار كثيره يعنى اكثر من 1000 ريال فى اليوم انا متاكد لو فتشت لقيت ارخص وانظف يعنى كم بسكن فى الفور سيزن فى بالى فى ايام الصيف

اكرر شكرى والله يوفقك

احساس

v]: vpgm otdtm /vdtm > fhgd > f,ka; > [h;vjh > lpadm fhgw,v

07-23-2009, 08:51 PM

بشكةانسان

الله يعطيك العافيه تقرير مميز مع تحفضي على سعر الفله غالي جدا لكن تستاهل بالي الساحره

v]: vpgm otdtm /vdtm > fhgd > f,ka; > [h;vjh > lpadm fhgw,v

رحلة خفيفة ظريفة . بالي . بونشك . جاكرتا . محشية بالصور

هنا إندونيسيا لتقارير رحلات الأعضاء