رحلة ريال خبز العائلية لأرض بلاد العمهـ

بداية الرحلة


يعني التخطيط .. يعني متى طقت في راسي اسافر فيذاك << صح يالترجمة خخخخخخخخخخخخخخخ


ذاك اليوم جالس انا ورفيق لي في الدوامـ ..

هو بيعرس قبلي بشهر تقريباً ..

سألته انا

قلت له ياابوعبدالله وين بتروح في شهر العسل بتاعك << يقال لك الحين مصري خخخخخخخ


قال لي والله مخطط على اندونسيا ..

رديت بضحكة حسيت اني بااتسطر من المكاتب اللي جنبي :: وش تحس فيه يابطل خخخ مالقيت إلا ديرة الشغالات ..


قال لي ماقد شفت صور لاندونسيا ..

قلت لا والله ..

قال لي خش منتدى هنا اندونسيا ..

وشف الصور .. وتعال استخف دمك بعدها علي وهو يضحك ..


قلت له اقلب وجهك ,, خخخخخخخخ

المهمـ ..

رجعت البيت ..

وفتحت اللاب توب << اصلاً هو مفتوح 24 ساعة صاير صيدلية لاتنصب اوكي خخخخخخخخخخخ



المهمـ ياحلوين (( حلوه حلوين اعجبتني حيل خخخخخخخخخخخخ )) .


فتحت الموقع ..

طبعاً الستايل اللي قلب ذا مهوب ذا خخخخ

قلت والله من الستايل واضح انه ديره حلوهـ << تراه مايستخف دمه ابد خخخخخخخخخخخ [فقط الأعضاء المسجلين والمفعلين يمكنهم رؤية الصور]


المهمـ فتحت التقارير

صوره ورى وصورة تقرير ورى تقرير ... وبصراحة بديت افك معها ..

بس خفت من مسألة السحر ..


حتى قروشت العيال فيذا كل شوي جاي اسئلهم ..

وش ماوش شي زي كذا ...


تعرفون ماقد سافرت مع عائلة ومهوب عائلة ماغير انا ومرتي .. يعني لاصار شي لاسمح الله انكب العشاء


المهمـ رجعت الدوام وقلت له بصراحة ماتنلام على السفرهـ ..


واذكر في ذاك اليوم كلمت ابو ابراهيمـ على الجـوال ..


واستفسرت منهـ ..


وفي ذاك اليوم ..

جلست امدّح في اندونسيا ..

حتى ان واحد من العيال قال لي لارحت صورّ وورنا عشان انا ودي اروح فيذاك .. حتى مديري بعد ..

الزبدهـ ..

جاني واحد من العيال قال انا ناوي اسافر مع المره بس محتار وين اروح << يعني يلمّح قل بااروح معك وفكنا خخخخخخخخخخخخخ


قلت له :: ورى ماتجي معي ..

قال :: صعبه شهر عسل وماادري وش ..


قلت :: لايكثر بس ,, انا عارف نفسي لو نروح شخصين بنمل مع بعض

قال لي اوكي خلني اجدد جوازي < اخونا في الله ماوفّر خخخخخخخخخخخخخخ



وجدد خوينا جوازهـ


وكلمت واحد من العيال في الخطوط ..

وماقصرت حجز لي في يوم السبت 30/5

الساعة 10 مساءً ..



وبالنسبة لخويي جلس يتمطط ( يتدلع ماحجز على طول ) وتمرمط في الحجز مالقى حجز إلا قبل الرحلة بـ48 ساعة خخخخخخخخخخخخخخ



اعرست يوم الأربعاء ولله الحمد وجلست في الرياض الخميس والجمعة .. والسبت تجهزت للسفر

جت الساعة 7 واطلع للمطار ..


ماخذ معي 3 شناط ..

شنطة لي وشنطة للمدام وشنطة للعزبة وشنطه صغيرهـ حقت الكاميراتـ شايلها على كتفي ..

قصينا البوردنج ...

وتوّلمنا ..

ومااكثر الشغالات في المطار اللي منحاش وماسكينها واللي انتهى مدتها خخخخخخ


لا واللي مضحكني وحده متحجبه ولابسه برمودا خخخخخخخخخ

قلت وشوله الحجاب خخخخخخخخخخخخخخخ



عموماً ركبنا الطيارهـ وانطلقنا ..

وكالعادة بالنسبة للرحلات الدولية

الأفلام اللي يحطونها مستهلكة يعني قديمة حاطين لنا افلام كارتون مدري وش يحسون به

اشوا اني ماكل لي بندول نايت .. مادريت إلا وانا خار نايم خخخخخخخخخخخ قمت على شقة النور خخخ

وهم يقولون استعدوا لربط الأحزمه خخخخخخخخخخخ بنوصل << اي خطوط ذي خخخخخخخ


قلت باالقط لكم صور للهبوووط

حاولت قد مااقدر تكون الصورة حلوه لكمـ..


[فقط الأعضاء المسجلين والمفعلين يمكنهم رؤية الصور]



[فقط الأعضاء المسجلين والمفعلين يمكنهم رؤية الصور]


[فقط الأعضاء المسجلين والمفعلين يمكنهم رؤية الصور]


وصلنا بحمد لله ورعايتهـ


وعبينا الكرتـ حق الوصول

واخوي اللي يهديه راح يوقع عن زوجته في كرت الوصول .. بغى يكب عشانا .. خخخخخخ

وصلنا عند حق الفيز عطيناهم 100 دولار ..

لإننا اربعة اشخاص ..


وجلسوا يستهبلون علينا حقين الفيز يبون هدية

بس اخذت بكلام الاخوان هنا

وجلست اسوي نفسي مانيب لمهم جالس اتعبث بالجوال وانطلت حيلتي عيلهم

بس خويي الفاهي جالس يناظرهم ويضحك

المهم قال حق الشباك جب زوجتك خلنا نتأكد من الصورة ..

الكلام طبعاً موّجه لخويي ..

انا تلقفت وقلت لا (( لاتحسبوني اتكلم اندونسي خخخخخخخخ انجليزي خخخخ )) ترى البعض فاهي خخخ

قلت انتا مو الجوازات عشان تتأكد انها هي او لا

اتصل بالسفاره السعودية الان ..


حسيت اني قوي خخخخخخخخخ

خوفت العسكري حقهم خخخخخخخخخخخخخ

وصلنا للجوازات واتجهت للحرمة بينهم وخلصنا الجوازات واستقبلنا السائق حقنا جون ..

اللي منسّق معه من الرياض ..


كان متعامل مع عديلي في السابق ..


ب ر ب