خدمة باص primajasa " باندونق سوبر مول BSM - مطار سوكانو هاتا(جاكرتا) والعكس " ...

اسمح لي يامترجمنا اجاوب على استفسار الزميل الكريم

لعلمي بقله تواجدك بالمنتدى هذه الايام.


اخي الكريم

باصات بريما جاسا تشتغل على خط مطار جاكرتا الى باندونغ بمحطتها بمواقف مول باندونغ الكبير

او ما يعرف بأسم BSM BANDUNG SUPER MALL فقط.

ومافيها شي ومناسبه لك ولزوجتك فالكراسي بالباص موزعه على كرسيين بكل جانب.

والمده ما تزيد عن ثلاث ساعات مابين المطار ومحطه توقفه بباندونغ سوبر مول ومن هناك فيه تاكسي

تاخذه للمكان اللي تبغاه بأجره ما راح تزيد عن 20 الف روبيه داخل المدينه وعموما العداد هو المتبع هناك.


اما بالنسبه لجاكرتا فما عندي علم الا عن شركه وحده وهي شيبا غانتي CIPA GANTI وهي سيارات

ميني باص 6 ركاب .. تتصل عليهم وتحدد متى تبغى تروح وهم يجون لعندك بسكنك وياخذونك لحد المكان

اللي تبغاه سواء فندق او غيره ...ولكن عيبهم انهم يمشونك على كل المدينه علشان ياخذون باقي الركاب

قبل ما تبدأ الرحله لباندونغ ونفس الشي لما توصل لباندونغ فراح يبتدون بالاولين ويوصلونهم لبيوتهم

وهذي بحد ذاتها متعبه .. او انك تروح لمحطتهم بجاكرتا (لا اعلم عنها فأنا لا اسكن جاكرتا بالمره)ومن

هناك تركب الباص وعلى طول على محطتهم بباندونغ وهي بمدخل باندونغ على طول ومن هناك تاخذ

تاكسي وتروح للمكان اللي تبغاه .


انا انصح بمثل هذي الوسائل للاشخاص الراغبين بالتوفير ولاهو شرط ان ميزانيتهم صغيره بالعكس

انا اعتبر مثل هالاسلوب ذكي ..فالتعب واحد سواء بسياره خاصه او بباص.


اتمنى ان تكون المعلومات اوضحت لك الصوره.

بالمناسبه

ركاب هذي الباصات عاده من الطبقه المتوسطه واحيانا يكون معهم ميسورين ما يرغبون بأستخدام

سياراتهم الخاصه بمشوار بعيد.

يعني الباص نظيف ومحترم اما شيبا غانتي فهو ضيق لانه ميني باص.

وعلى العموم اذا كنت تسكن بجاكرتا (فندق او غيره) فالافضل انك تاخذ القطار اجمل واسهل وبنفس

التكاليف وعندهم درجات مختلفه المزايا والاسعار.



احترامي