اسبوعين خياليه وليالي بونشاكيه

عالمي9 · 07-23-2010, 04:42 PM

خير الكلام نبداه بالسلام عليكم جميعاً اخواني وخواتي اعضاء وزوار... للأمانة هذا المنتدى يعتبر مرجع سياحي وثقافي
لكل من عنده نيه السفر لـ اندونيسيا , وعن نفسي استفدت من هالمنتدى كثير قبل سفري الى بلاد العمه كما يطلق عليها
افراد هالمنتدى الروعه وبالنسبة لي اشوف اني مقصر كثير في حق المنتدى ..

لكن ارجوا منكم المعذره عموماً وخصوصاً القائمين على ادارة هنا اندونيسيا وفعلاً اسم على مسمى و100.000.000
مليون شكراً والعفو يفداكم ...

وعشان كذا حبيت اشارك في بعض ماعندي وبكذا اقدر ارد لو جزء بسيط جداً من كرم المعلومات اللي استفدتها من منتدانا
الرائع ولكم مني كل االاحترام هنا اندونيسيا .
طبعاً قبل أي نية سفر لازم اقتراحات ومشوارات بين الاصدقاء وحنا 3 خويا المهم بعد عدت اجتماعات وكلها كانت عند
ابوميار طبعاً هو كابتن الرحلة ومساعد الكابتن ابوطعيس الفله واتفقنا انه راح نطلع لـ اندونيسيا بصراحه كلنا اول مرة
نروح لـ العمه إلا الكابتن ابوميار راح قبل كذا لكن ماعنده الخبره الكافيه والوضع كان موووش تمام عموماً سألني واحد
من زملائي بالداوم وقلت الوضع خازا بازا قال يعني كيف؟؟ قلت يعني يرقل قال ليش؟؟ قلت ماعندنا فكره كافيه عن البلد
ونصحني بأني ادخل على هنا اندونيسيا وقال راح تلقى اللي يريح بالكم وبعد مادخلت على المنتدى الرائع هنا اندونيسيا ..
كلمت ابوميار وقلتله نحجز اليوم المهم اجتمعنا بعد الدوام مباشره وعلى طول الى شارع الستين بالملز واقرب مكتب خطوط
طبعاً خذينا صور من جوازاتنا عشان الحجز ونحجز على ارخص رحله على طيران الاتحاد بصراحه طيران رائع وممتع
ولا تحس بالرحله بالعربي خط بط المهم موعد الرحله بعد شهر ونص اممممممممم فله لكن ما اخفيكم منتدى هنا اندونيسيا
اختصر علينا 75% من عناء الرحله ..
وللمرة المليونين اشكر القائمين على المنتدى لكن ابيكم تعذروني لأني ماصورت كثير وماكان عندي نيه بس اوعدكم السفره
القادمة بتكون بأذن الله في 15 سبتمبر 2010 الموافق سته من شوال الجاي وراح نكثر الصور ونلف البلد ونجيب ماهو مفيد
وعساكم على القوه والله يوفقنا جميعاً.[فقط الأعضاء المسجلين والمفعلين يمكنهم رؤية الصور]

رحلتنا كانت عبارة عن اسبوعين وكانت كلها في البونشاك لم نبرح البونشاك قيد انمله بصراحه صابنا ذهول وماحبينا نفارق
البونشاك لو للحظه حبيناه من اول نظره وبالعربي مالنا قلب يقدر على فرقاه واللي اعجبنا بالبونشاك انك تعيش الطبيعه بكل تفاصيلها
حتى على مستوى الملابس قمة الراحه والانسجام بين الطبيعه الخلابة والطبيعه البشريه يعني كل واحد رجع على طبيعة مافيه
رسميات العمل والكشخات الكذابه ثوب الدفه وشماغ البسام وطاقية وملابس داخليه لو توزن تلقاك زايد عشرة كيلو من الملابس
يكفي الطاقيه اللي جابتنا الصلع ولا ملابس عجلان واخوانه جابتنا لنا الحساسيه والمشق عموما فيه اغنيه لـ ابونوره قلبناها ياليت
لو تسمحون لنا ياعشاق ابونوره وحبيتكم تسمعونها اللي تقول ليالي نجد مامثلك ليالي حنا قلبنا القصيده وهذي هي بعد ماقلبناها

ليالي بونشاك مامثلك ليالي *** غلاك اول زاد الحب غالي
ليالي البونشاك للمحبوب طيبي *** امانه نور عيني ياليالي
بونشاك وليا ذكرت انه حبيبي *** دريت اني حظيظ وزان بالي
على شانه تهاونت المصاعب ***اذوق المر لجل رضاه حالي
ولا من الزمان اشتد حرة *** لقيت بقرب بونشاكي ظلااااااالي
عفا الله عنه مما جاني اول *** غسل حبه جميع الهم تاااااالي

كان السكن أو ليله في مجمع الباريتا طبعاً مجمع على قد حاله لكن وصلنا الجبل بالليل على الساعه تسعه وحاجه ولا لقينا الا عندهم
سمينا بالله ونمنا على طول وهذي صورة للمجمع ,

[فقط الأعضاء المسجلين والمفعلين يمكنهم رؤية الصور]

وبعدها سكنا في مجمع أل ديتا اول مجمع يجي قبل لا توصل مجمع قولف بصراحه أل ديتا مطلاته حليوه لكن المسبح فاضي وسعره
حلو وبالنبسة للأمان شي حلو عندهم نظام السفتي بوكس صندوق الامانات مرة مريح حطينا فيه عملات وجوازات ومفتاح معهم
ومفتاح معنا روعه وهذي صورة لـ فلتنا في أل ديتا

[فقط الأعضاء المسجلين والمفعلين يمكنهم رؤية الصور]

وصرنا نتنقل بين االمجمعات وهذي صورة لـ الفله من مجمع جيجاكرتا روعه المجمع بس اغلا من أل ديليتا
بس يستاهل مجمع حلو

[فقط الأعضاء المسجلين والمفعلين يمكنهم رؤية الصور]

وقبل لاانسى اهم شي شنطة العزبه بصراحة شنطة العزبة متعوب عليها وفرت علينا كثير وريحتنا وهذا الكابتن ابوميار
ومساعد الكابتن ابوطعيس يضبطون شنطة العزبة , وانا كنت اصورهم قبل لانطلع للمطار وكنت جيعان
ولعبت في الشنطه [فقط الأعضاء المسجلين والمفعلين يمكنهم رؤية الصور] امممممممممممممممممممممممم

[فقط الأعضاء المسجلين والمفعلين يمكنهم رؤية الصور]

بصراحه اعجبني كرسي في فلتنا اللي بمجمع أل ديتا سميته كرسي الرومنسيه [فقط الأعضاء المسجلين والمفعلين يمكنهم رؤية الصور] وهذي صورته خوي العشاق
لأنه يطل على طبيعة خلابه تخليك تذكر الماضي والحاظر والمستقبل

[فقط الأعضاء المسجلين والمفعلين يمكنهم رؤية الصور]

وبينكم وبيني عندي همسه للي يدور على راحة البال باختصار عليك بالبونشاك اذا متضايق احجز وضبط وضعك الاجتماعي
والمادي والعملي خذ اجازه وخليها بونشاكيه وخلك على طبيعتك وعيش الطبيعه بكل ماتملك من عزم والله فيه امور كثيره
بالونشاك لكن هذا اول تقرير والوعد قدام والقادم احلا ياعشاق العمه وخصوصاً البونشاكيين
وهذي صور للأجواء اللي ترد الروح وتزيل الهم

[فقط الأعضاء المسجلين والمفعلين يمكنهم رؤية الصور]

عموماً في الختام ادري انه فيه نواقص في هالتقرير المتواضع وابيكم تعذروني جميعا والقادم احلا بأذن الله ودمتم سالمين.
وحبيت اختم تقريرنا بـ صورة اطفال البونشاك والتي تدل على براءة في التربيه لأن الشعب الاندونسي شعب ابتسامه ,
هذا مارأيته من الاندونيسين اللي قابلناهم من سواقين أو اصاحاب محلات أو اشخاص عاديين ولكم مني ومن كافة منسوبي
الرحلة الماضية والرحلة القادمة الشكر والتقدير والأمتنان والى لقاء اخر بأذن الله [فقط الأعضاء المسجلين والمفعلين يمكنهم رؤية الصور]

[فقط الأعضاء المسجلين والمفعلين يمكنهم رؤية الصور]

V!-- google_ad_section_start --Chsf,udk odhgdi ,gdhgd f,kah;diV!-- google_ad_section_end --C

هاني 999 · 07-23-2010, 05:01 PM

اخوي يعطيك العافيه على كل هذا المديح للمنتدى فهو يستحق ذالك

وقلبت المواجع في الديتا قضيت تقريبا 8 ايام لان انساها وخاصة انها كانت في موسم الامطار

شكرا لك على هذه الصور الشيقه وانا بشقف للمزيد من هذه الصور تقبل مروري

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

iMath · 07-23-2010, 05:38 PM

وعليكم السلام

تشكرك أخي الكريم على هذا التقرير الخفيف

والذي يرسم لنا مدى المتعة التي قضيتموها في ربوع الفاتنة بونشاك

الله يهنيكم يارب ,,

وإلى الملتقى في تقارير ورحلات قادمة بحول الله

ينقل لقسم التقارير

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

أبوسامر6666 · 07-23-2010, 06:49 PM

تقرير جميل وخفيف

ونطمع لأكثر مستقبلاً

تحياتي لك

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

نسيم بونشاك · 07-23-2010, 07:14 PM

ماشاءالله

يبدو لي أنها رحلة

خفيفة طريفة مرحة..

البونشاك .. وآآه على البونشاك

ونسيم البونشاك ..

ربنا يديك الصحة والعافية

على دا التقرير الخفيف اللي

راح نعتبرو مقبلات لوجبة دسمة ان شاءالله ..

تحياتي لجهودك

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

ريــانة العــود · 07-23-2010, 07:43 PM

علمي9 شكرا لك على التقرير
الرائع والخفيف
بنتظار تقريرك القادم
ولاوصيك الكمره خذها معك
لك ودي

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

تكفيني الذكرى · 07-24-2010, 11:29 AM

مشكور اخوي الغالي على تقريرك الجميل

وبانتظار المزيد

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

oti · 07-24-2010, 01:46 PM

تقرير جميل وخفيف
الله يعطيك العافية

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

سوار · 07-24-2010, 04:24 PM

مشاءالله هنيئن لك اخي الكريم..

رحله جميله في اجواء عليله ..,

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

تنسيم · 07-24-2010, 06:07 PM

اشكرك اخي على هذا التقرير الخفيف والجميل بجمال طبيعته
مع تمنياتي لك برحله اخرى سعيده
وبانتظار القادم..

V!-- google_ad_section_start --Cv]: hsf,udk odhgdi ,gdhgd f,ka;hdiV!-- google_ad_section_end --C

اسبوعين خياليه وليالي بونشاكيه

هنا إندونيسيا لتقارير رحلات الأعضاء